Александр Усик хайрлашув жанг учун икки нафар асосий номзодни айтди
Украиналик боксчи Zuffa’да жанг қилмоқчи.
ФОТО: Getty Images
Супероғир вазн тоифасида собиқ мутлоқ жаҳон чемпиони, мағлубиятсиз украиналик боксчи Александр Усик фаолиятидаги сўнгги (хайрлашув) жангда кимларга қарши рингга чиқмоқчи эканлигини маълум қилди.
"Менга катта ном керак. Энди бизда Zuffa бор. Эҳтимол, Дана Уайт ва У Зоти Олийлари (Турки ал-Шайх назарда тутилмоқда) менга бирор таклиф билан чиқишар. Нега энди йўқ? Менинг сўнгги рақсим (жангим) АҚШда, балки Нью-Йоркдаги стадионлардан бирида бўлиб ўтади. Бу шов-шувли ном бўлади. Кимларни шундай деб ҳисоблайман? "Очкўз қорин" (Тайсон Фьюри назарда тутилган) ва Деонтей Уайлдер. Ҳа, айнан мана шу икки боксчи [мен билан жанг қилишга асосий номзод] бўлади", — дея Усикнинг сўзларидан иқтибос келтирмоқда Daily Mail Boxing YouTube-канали.
Насрулло Каримов
Журналист