Александр Исак «ПСЖ»га қарши ўйинда майдонга тушиши мумкин
«Ливерпул»нинг швециялик ҳужумчиси Александр Исак оғир жароҳатдан сўнг деярли тўлиқ тикланиб бўлди. 26 ёшли футболчининг УЕФА Чемпионлар Лигаси чорак финали доирасидаги «ПСЖ»га қарши дастлабки ўйинда майдонга тушиш учун барча имкониятлари бор. Бу ҳақда The Touchline хабар бермоқда.
Исак 2025 йилнинг 21 декабрида оёғининг boldir қисми синган эди ва у аллақачон машғулотларга қайтган. «Ливерпул» бош мураббийи Арне Слот катта эҳтимол билан 8 апрель куни «Парк де Пренс» стадионида бўлиб ўтадиган баҳсда Исак хизматидан фойдалана олади.
Жорий мавсумда ҳужумчи жароҳат сабабли уч ойдан ортиқ вақтни ўтказиб юборгунига қадар, «мерсисайдликлар» сафида 16 та ўйинда майдонга тушиб, 3 та гол ва 1 та голли узатмани амалга оширган эди. Эслатиб ўтамиз, «Ливерпул» Исакни 2025 йилнинг сентябрь ойида 145 миллион евро эвазига сотиб олган эди.
