Алекс Фергюсон: «Унинг жамоага келиши кўп нарсани ўзгартирди»
«Манчестер Юнайтед»нинг собиқ бош мураббийи сэр Алекс Фергюсон 2025/2026 йилги мавсум олдидан «қизил иблислар» сафига қўшилган футболчиларнинг ўйини ҳақида фикр билдирди.
«Ўйлайманки, Ламменснинг келиши кўп нарсани ўзгартирди. У 23 ёшда, тезкор, жисмонан кучли футболчи, ҳам оёқлари, ҳам қўллари билан жуда яхши ўйнайди.
Жамоага айнан шундай футболчи керак эди. “Юнайтед”да ҳар доим бошқаларни илҳомлантира оладиган ўйинчилар бўлган ва, назаримда, бу ерда ҳам шу омил ўз таъсирини кўрсатди. Қолган икки янги футболчи — Мбемо ва Куняга келсак, улар бизга аввалги формамизни қайтаришга ёрдам берадиганга ўхшайди», — дея Фергюсоннинг сўзларини келтиради Goal.com нашри.
Маълумот учун, АПЛнинг 16-туридан сўнг «Манчестер Юнайтед» 26 очко билан турнир жадвалида олтинчи ўринни эгаллаб турибди.
