Алекс Фергюсон шифохонага олиб кетилди

“Манчестер Юнайтед”нинг собиқ бош мураббийи ва афсонаси Алекс Фергюсонда ҳаммаси жойида. У эҳтиёт чораси сифатида тиббий кўрикдан ўтди. Бу ҳақда Sky Sports хабар бермоқда.

Аввалроқ шотландиялик мутахассис Англия Премьер-лигасининг 35-туридан ўрин олган “қизил иблислар” ва “Ливерпуль” ўртасидаги ўйин олдидан ўзини ёмон ҳис қилгани сабабли шифохонага тушгани маълум бўлганди.

Фергюсон 1986-йилдан 2013-йилгача “Манчестер Юнайтед”ни бошқарган, у жамоа билан 38 та совринни, жумладан, 13 марта АПЛ чемпионлигини ва икки марта Чемпионлар Лигаси кубогини қўлга киритган.

Англия чемпионатининг 34 туридан сўнг “қизил иблислар” 61 очко жамғарган ҳолда учинчи ўринни эгаллаб турибди. Мерсисайдликлар эса 58 очко билан тўртинчи поғонадан жой олган.

Розикжон Султонмуродов

Журналист