Альба: “Ямалнинг ўйинини томоша қилиш менга завқ бағишламоқда”
Фото: Getty Images
“Интер Майами” ҳимоячиси “Барселона” вингери Ламин Ямал ҳақида ўз фикрларини билдирди.
“Мен унинг "Барселона"даги дебютини эслайман, у адашмасам "Бетис"га қарши ўйинда 15 ёшда эди. Ўшанда ҳам у ўзига хос футболчи эканлиги аён эди. Тўғри, у сўнгги икки йил ичида жисмонан ўзгариб кетди.
У майдонда фарқ қилади, буни тасаввур қилиб бўлмайди. У ҳозирда "Олтин тўп"га даъвогарлар қаторида ва ёшлигида унинг қилаётган ишлари ақл бовар қилмайди.
Асосийси, у шу руҳда давом этаверсин, ўсишда давом этсин, ўргансин, футболни тушунадиган одамларни тингласин. Унинг ўйинини томоша қилиш менга завқ бағишлайди", - деди Альба.