Alba: “Yamalning o‘yinini tomosha qilish menga zavq bag‘ishlamoqda”
Photo: Getty Images
“Inter Mayami” himoyachisi “Barselona” vingeri Lamin Yamal haqida o‘z fikrlarini bildirdi.
“Men uning "Barselona"dagi debyutini eslayman, u adashmasam "Betis"ga qarshi o‘yinda 15 yoshda edi. O‘shanda ham u o‘ziga xos futbolchi ekani ayon edi. To‘g‘ri, u so‘nggi ikki yil ichida jismonan o‘zgarib ketdi.
U maydonda ajralib turadi, buni tasavvur qilib bo‘lmaydi. U hozirda "Oltin to‘p"ga da’vogarlar safida va yoshlik chog‘ida qilayotgan ishlari aql bovar qilmaydi.
Asosiysi, u shu ruhda davom etsa, o‘sishda davom etsa, o‘rgansa, futbolni tushunadigan odamlarni tinglasa. Uning o‘yinini tomosha qilish menga zavq bag‘ishlaydi", - dedi Alba.
Roziqjon Sultonmurodov
Jurnalist