Алаба фаолиятини океан ортида давом эттириши мумкин
Алабанинг амалдаги шартномаси «Реал» билан 2026 йил ёзигача мўлжалланган.
ФОТО: Getty images
“Реал” ҳимоячиси Давид Алаба фаолиятини океан ортида давом эттриши мумкин, дея хабар беради журналист Себастьян Видаль.
Манбага кўра, 33 ёшли австриялик футболчига “Нью-Йорк Сити” ва “Даллас” жамоалари қизиқиш билдирмоқда.
МЛС вакиллари тажрибали ҳимоячини қишки трансфер ойнасида ўз сафига қўшиб олиш имкониятини кўриб чиқмоқда.
Алабанинг амалдаги шартномаси «Реал» билан 2026 йил ёзигача мўлжалланган. Ҳозирча томонлар ўртасида шартномани узайтириш бўйича музокаралар олиб борилмаётгани айтилмоқда.
Жорий мавсумда марказий ҳимоячи Хаби Алонсо жамоаси сафида 4 та ўйинда иштирок этди. Сўнгги икки баҳсда эса жароҳати сабаб қатнашмади.
Розикжон Султонмуродов
Журналист