Alaba faoliyatini okean ortida davom ettirishi mumkin
Alabaning amaldagi shartnomasi «Real» bilan 2026 yil yozigacha mo'ljallangan.
ФОТО: Getty images
“Real” himoyachisi David Alaba faoliyatini okean ortida davom ettirishi mumkin, deya xabar bermoqda jurnalist Sebastyan Vidal.
Manbaga ko'ra, 33 yoshli avstriyalik futbolchiga “New York City” va “Dallas” jamoalari qiziqish bildirmoqda.
MLS vakillari tajribali himoyachini qishki transfer oynasida o'z safiga qo'shib olish imkoniyatini ko'rib chiqmoqda.
Alabaning amaldagi shartnomasi «Real» bilan 2026 yil yozigacha mo'ljallangan. Hozircha tomonlar o'rtasida shartnomani uzaytirish bo'yicha muzokaralar olib borilmayotgani aytilmoqda.
Joriy mavsumda markaziy himoyachi Xabi Alonso jamoasi safida 4 ta o'yinda ishtirok etdi. So'nggi ikki bahsda esa jarohati sabab qatnashmadi.
Roziqjon Sultonmurodov
Jurnalist