«Al Qodisiya» Дани Ольмога қизиқиш билдирмоқда
Саудия Арабистонининг «Al Qodisiya» клуби «Барселона» яримҳимоячиси Дани Ольмога қизиқиш билдирмоқда. Саудия клуби раҳбарияти футболчининг бир нечта ўйинларини бевосита стадиондан кузатган, бироқ ҳозирча трансфер бўйича расмий таклиф билан чиқмаган. Бу ҳақда Marca нашри хабар бермоқда.
Манбанинг маълум қилишича, Ольмо айни дамда «кўк-анорранглилар» сафида ўзини бахтли ҳис қилмоқда ва жамоани тарк этиш нияти йўқ. «Блауґрана» раҳбарияти ҳам 27 ёшли футболчининг хизматларига таянаётгани ва у билан хайрлашмоқчи эмас.
Дани Ольмо жорий мавсумда барча турнирлар доирасида 38 та ўйинда майдонга тушиб, 8 та гол урди ва 7 та голли узатмани амалга оширди. Футболчининг клуб билан амалдаги меҳнат шартномаси 2030 йилнинг ёзига қадар мўлжалланган.
Transfermarkt портали маълумотларига кўра, испаниялик яримҳимоячининг бозор қиймати 60 миллион еврони ташкил этади.
