«Ал Иттиҳод» Канте ўрнига Кавамингани олиб келмоқчи
Саудия Арабистонининг «Ал Иттиҳод» клуби Мадриднинг «Реал» жамоаси яримҳимоячиси Эдуарду Кавамингани ўз сафига қўшиб олиш учун йирик молиявий таклиф тайёрламоқда. Бу ҳақда 365Scores нашрига таянып Mundo Deportivo хабар берди.
Саудия клуби француз футболчисини яқинда Туркиянинг «Фенербахче» жамоасига ўтган тажрибали таянч яримҳимоячиси Н’Голо Канте ўрнига муносиб ўринбосар сифатида кўрмоқда.
Каваминганинг «Реал» билан амалдаги шартномаси 2029 йилнинг ёзига қадар мўлжалланган бўлса-да, Саудия Про-лигаси жамоалари таклиф қиладиган улкан маблағлар назарий жиҳатдан Испания клубини бу трансфер устида ўйлаб кўришга мажбур қилиши мумкин.
«Ал Иттиҳод» футболчи бўйича расмий ҳаракатларни ёзги трансфер ойнасида бошлаши кутилмоқда. Аввалроқ Эдуарду Кавамингага Англиянинг «Ливерпуль» ва «Арсенал» клублари ҳам қизиқиш билдираётгани ҳақида хабарлар тарқалган эди.
