«Ал-Ҳилол» Кейнга ҳафтасига 2 миллион евро маош таклиф қилмоқчи
Саудияликлар катта маош беришга тайёр.
ФОТО: Getty images
“Ал-Ҳилол” Англия миллий жамоаси сардори Харри Кейнга келаси йили “Бавария”дан кетиш учун жуда катта таклиф тайёрламоқчи. Бу ҳақда BILD хабар берди.
Манбага кўра, саудияликлар 31 ёшли футболчига юқори маош бермоқчи. Унга кўра, клуб ҳафтасига 2 миллион евро атрофида маош беришга тайёр.
Кейн эса шартномасидаги махсус банд туфайли кейинги ёзда 60 миллион евро эвазига “Бавария”ни тарк этиши мумкин.
Аввал ҳам “Ал-Ҳилол” Харри бўйича таклиф юборганди. Бироқ футболчи Европада қолишни истаган ва бу таклифни рад этганди.
Розикжон Султонмуродов
Журналист