«Ал-Ҳилол» Исак учун рад этиб бўлмас маошни таклиф қилди
Фото: Getty Images
Саудия Арабистонининг “Ал-Ҳилол” клуби “Ньюкасл” ҳужумчиси Александр Исакка молиявий томонлама катта шартнома таклиф қилди. Бу ҳақда The Guardian нашри хабар бермоқда.
Манбага кўра, Саудия клуби швед футболчисига ҳафтасига 600 минг фунт стерлинг миқдорида маош таклиф қилган. Бу суммадан ҳеч қандай солиқлар олинмайди.
Бундан ташқари, риёдликлар томонидан Исакка турли бонуслар ва қўшимча имтиёзлар ҳам ваъда қилинган. Бироқ ҳозирча футболчи бу борада бир қарорга кела олмаяпти.
Маълумот учун, Александр Исак 2022 йил ёзида Испаниянинг “Реал Сосьедад” клубидан “Ньюкасл”га ўтган эди. Унинг амалдаги шартномаси 2028 йил ёзигача мўлжалланган.
Розикжон Султонмуродов
Журналист