\"Al-Hilol\" Isak uchun rad etib bo'lmas maoshni taklif qildi
Photo: Getty Images
Saudiya Arabistonining “Al-Hilol” klubi “Nyukasl” hujumchisi Aleksandr Isakka moliyaviy jihatdan katta shartnoma taklif qildi. Bu haqda The Guardian nashri xabar bermoqda.
Manbaga ko'ra, Saudiya klubi shved futbolchisiga haftasiga 600 ming funt sterling miqdorida maosh taklif qilgan. Ushbu summadan hech qanday soliqlar olinmaydi.
Bundan tashqari, Riyod klubi tomonidan Isakka turli bonuslar va qo'shimcha imtiyozlar ham va'da qilingan. Biroq hozircha futbolchi bu borada bir qarorga kela olmayapti.
Ma'lumot uchun, Aleksandr Isak 2022 yil yozida Ispaniyaning “Real Sosedad” klubidan “Nyukasl”ga o'tgan edi. Uning amaldagi shartnomasi 2028 yil yozigacha mo'ljallangan.
Roziqjon Sultonmurodov
Jurnalist