«Ал-Ҳилол» Бензема билан хайрлашишда муаммога дуч келмоқда
Саудия Арабистонининг «Ал-Ҳилол» клуби Карим Бензема билан шартномани бекор қилиш масаласини ҳал этишга уринмоқда. Франциялик ҳужумчининг амалдаги келишуви клубнинг трансфер режаларини мураккаблаштирмоқда.
Sky Sports маълумотига кўра, «Ал-Ҳилол» Бензема билан хайрлашишни истамоқда ва унинг ўрнига янги ҳужумчи изламоқда. Номзодлар қаторида «Астон Вилла» форварди Олли Уоткинс ҳам бор. Саудия клуби англиялик футболчи билан шахсий шартнома шартларини келишиб олгани айтилмоқда.
Бироқ Бензема билан шартномани бекор қилиш оддий жараён эмас. Футболчига тўланадиган маблағларнинг бир қисми давлат тузилмалари орқали амалга оширилгани сабабли келишувни бекор қилиш учун лига ва тегишли идораларнинг розилиги ҳам талаб қилинади. Бензема эса шартномасининг сўнгги йили учун тўлиқ тўловни олиб, эркин агент сифатида кетишни истамоқда.
Маълумот учун, Карим Бензема 2026 йил февралида «Ал-Иттиҳод»ни тарк этиб, «Ал-Ҳилол» сафига қўшилган эди. Ҳозирча томонлар футболчининг кетиши бўйича якуний келишувга эриша олмаган ва бу ҳолат клубнинг янги трансферларни амалга ошишига тўсқинлик қилмоқда.
