«Ал-Аҳли» - «Андижон» ўйинини ироқлик ҳакамлар бошқаради
ОЧЛ 2 мусобақасининг “Б” гуруҳи, 6-тур доирасидаги “Ал-Аҳли (Қатар) - “Андижон” (Ўзбекистон) ўртасидаги ўйинни ироқлик ҳакамлар бригадаси бошқаради.
Унга кўра, бош ҳакам вазифасини Заид Тамер Муҳаммад бажаради.
35 ёшли ҳакам жорий йилги мавсумда Ироқ юлдузлар лигасида 6 та, ОЧЛ Элита (“Ал-Садд” - “Шаржа” - 1:1) ва ОЧЛ 2 да (“Тампинес Роверс” - “Похан” - 1:0) 1 тадан ўйинларни бошқарган. Шунингдек, U23 Осиё Кубоги саралашида (АЯЭ - Эрон - 2:3) ҳам 1 та ўйинда ҳакамлик қилган.
Бош ҳакам: Заид Тамер Муҳаммад (Ироқ)
Ёрдамчи ҳакамлар: Ҳайдар Абдулхассан Али Улбайди, Амир Довуд Хуссейн Алвиндави (иккиси ҳам Ироқ)
Захира ҳаками: Аҳмад Кадим Гатеа Ристам (Ироқ)
Назоратчи: Ҳидоят Момбени (Эрон)
Комиссар: Давлатманд Исломов (Тожикистон)
Эслатиб ўтамиз, “Ал-Аҳли” - “Андижон” учрашуви 24-декабрь куни Тошкент вақти билан 21:00 да бошланади.
