«Ал-Аҳли» 25 млн ервога 20 ёшли футболчини сотиб олди
ФОТО: Getty images
Франция ёшлар терма жамоаси ярим ҳимоячиси, 20 ёшли Валентен Атаньяна «Реймс»дан Саудия Арабистонининг «Ал-Аҳли» клубига ўтди.
Қайд этилишича, трансфер суммаси 25 миллион еврони ташкил этди.
«Ҳаммаси учун раҳмат, Валентен. «Реймс» сен қандай футболчи ва инсон бўлиб етишганингдан фахрланади ва сенга кейинги фаолиятингда катта муваффақиятлар тилайди. Биз сенинг йўлингни катта диққат ва меҳр билан кузатиб борамиз», — дейилади «Реймс»нинг расмий сайтидаги хабарда.
У асосий жамоа сафида барча мусобақаларда 63 та ўйин ўтказган ва битта гол урган.
Розикжон Султонмуродов
Журналист