Акрамжон Комилов ОКМК жамоасини тарк этди
Футболчи олмаликликлар таркибида 93 та учрашувда майдонга тушиб, рақиб дарвозасини бир бор ишғол этди ҳамда жамоа ғалабаларига муносиб ҳисса қўшди.
photo: OKMK fk
ОКМК ФК жамоаси ва ярим ҳимоячи Акрамжон Комилов ўртасида ўзаро тузилган шартнома муддати якунга етгани муносабати билан футболчи клубни тарк этди.
"2021-йилдан буён ОКМК ФК сафида тўп суриб келган Акрамжон Комилов жамоамиз либосида барқарор ва фидокорона фаолият олиб борди. Ушбу давр мобайнида у барча мусобақаларни инобатга олган ҳолда, умумий ҳисобда 93 та учрашувда майдонга тушиб, рақиб дарвозасини бир бор ишғол этди ҳамда жамоа ғалабаларига муносиб ҳисса қўшди.
ОКМК ФК Акрамжон Комиловга клуб ривожи йўлида қўшган ҳиссаси учун чуқур миннатдорлик билдиради ва келгусидаги фаолиятида муваффақиятлар тилайди",- деб ёзилади клуб расмий саҳифасида.
Иброҳим Жалолов
Редактор