Akramjon Komilov OKMK jamoasini tark etdi
Futbolchi olmaliqliklar tarkibida 93 ta uchrashuvda maydonga tushib, raqib darvozasini bir bor ishg‘ol etdi hamda jamoa g‘alabalariga munosib hissa qo‘shdi.
photo: OKMK fk
OKMK FK jamoasi va yarim himoyachi Akramjon Komilov o‘rtasida o‘zaro tuzilgan shartnoma muddati yakuniga yetgani munosabati bilan futbolchi klubni tark etdi.
"2021-yildan buyon OKMK FK safida to‘p surib kelgan Akramjon Komilov jamoamiz libosida barqaror va fidokorona faoliyat olib bordi. Ushbu davr mobaynida u barcha musobaqalarni inobatga olgan holda, umumiy hisobda 93 ta uchrashuvda maydonga tushib, raqib darvozasini bir bor ishg‘ol etdi hamda jamoa g‘alabalariga munosib hissa qo‘shdi.
OKMK FK Akramjon Komilovga klub rivoji yo‘lida qo‘shgan hissasi uchun chuqur minnatdorlik bildiradi va kelgusidagi faoliyatida muvaffaqiyatlar tilaydi",-deb yoziladi klub rasmiy sahifasida.
Ibrohim Jalolov
Redaktor