Акобир Қаюмов: Рақиб сафида талабалар майдонга тушмаслигини биламиз
Про лиганинг ўтган турида Каттақўрғон учун расмий дебютини нишонлаган дарвозабонни клуб матбуоти суҳбатга чорлади.
- Дебют яхши ўтди. Дарвозамиз ёнида хавфли деб айтса бўладиган вазиятлар деярли юзага келмади. Бунда кўпроқ ҳимоячиларимизнинг ҳиссаси бор. Уларга фаол ўйин кўрсатишгани учун миннатдорчилик билдираман.
- Эртага Бухоро давлат университетига қарши майдонга чиқамиз. Бўлажак баҳсдан қандай кутилмаларингиз бор?
- Рақиб университет жамоаси бўлса-да, таркибида талабалар эмас, профессионал футболчилар тўп тепишини биласиз. Улар орасида Суперлига ҳавосидан баҳраманд бўлишга улгурган йигитлар ҳам бор. Барча ўйинларга жиддий тайёргарлик кўряпмиз.
- “Каттақўрғон”да Сардор Қобулжонов билан бирга ўйнаяпсиз. У лигагаги энг ёши катта футболчилардан бири. Дарвозабон учун ҳамкасби нисбатан тажрибали бўлгани яхшими?
- Ёнингиздаги шеригингиз қанчалик тажрибали бўлса, шунча кўп нарса ўрганиш имкониятига эга бўласиз. Фақат майдонда эмас, унинг ташқарисида ҳам. Сардор ака билан 3-марта бирга ўйнаяпмиз. Бир-биримизни жуда яхши биламиз. Шу сабабли ҳамкорликда ишлаш осонроқ…
