Akobir Qayumov: Raqib safida talabalar maydonga tushmasligini bilamiz
Pro liganing o’tgan turida Kattaqo'rg'on uchun rasmiy debyutini nishonlagan darvozabonni klub matbuoti suhbatga chorladi.
- Debyut yaxshi o’tdi. Darvozamiz yonida xavfli deb aytsa bo’ladigan vaziyatlar deyarli yuzaga kelmadi. Bunda ko’proq himoyachilarimizning hissasi bor. Ularga faol o’yin ko’rsatishgani uchun minnatdorchilik bildiraman.
- Ertaga Buxoro davlat universitetiga qarshi maydonga chiqamiz. Bo’lajak bahsdan qanday kutilmalaringiz bor?
- Raqib universitet jamoasi bo’lsa-da, tarkibida talabalar emas, professional futbolchilar to’p tepishini bilasiz. Ular orasida Superliga havosidan bahramand bo’lishga ulgurgan yigitlar ham bor. Barcha o’yinlarga jiddiy tayyorgarlik ko’ryapmiz.
- “Kattaqo’rg’on”da Sardor Qobuljonov bilan birga o’ynayapsiz. U ligadagi eng yoshi katta futbolchilardan biri. Darvozabon uchun hamkasbi nisbatan tajribaliroq bo’lgani yaxshimi?
- Yoningizdagi sherigingiz qanchalik tajribali bo’lsa, shuncha ko’p narsa o’rganish imkoniyatiga ega bo’lasiz. Faqat maydonda emas, uning tashqarisida ham. Sardor aka bilan 3-marta birga o’ynayapmiz. Bir-birimizni juda yaxshi bilamiz. Shu sababli hamkorlikda ishlash osonroq…
