Акмал Рустамов: \"Таркибимизда беш-олти нафар йўқотиш бор эди\"
Суперлига 12-туридан ўрин олган “Қизилқум” – “Сўғдиёна” (0:0) жамоалари ўртасидаги учрашувдан кейинги матбуот анжуманида “кончилар” мураббийи Акмал Рустамов журналистлар саволларига жавоб қайтарди.
"Бугунги ўйин ҳақида гапирадиган бўлсам, тактик томондан бироз ўзгартиш қилишга ҳаракат қилдик. Болаларга раҳмат айтмоқчиман. Улар бугун астойдил ҳаракат қилишди. Таркибимизда беш-олти нафар йўқотиш бор эди. Шунга қарамай йигитлар яхши ҳаракат қилишди. Агар яратилган вазиятлардан фойдалана олганимизда эди, ғалаба биз томонда бўлиши аниқ эди. Бугун стадионга келиб бизни қўллаб-қувватлаб турган мухлисларга раҳмат айтаман. Насиб этса, кейинги ўйинларда ғалаба қозонишга ҳаракат қиламиз.
Биз кўп ўйиннинг кўп вақтини ҳимояда ўтказган бўлсакда, бизда гол киритиш учун имкониятлар кўпроқ бўлди. Ҳужумчиларимизга бироз тажриба етмаслигини ўйлайман. Яна бир бор футболчиларимга миннатдорчилик билдираман. Улар ўйинга қўйилган вазифани юз фоизга уддалашди.",-дейди мутахассис