Ҳаким Фузайлов Тожикистон фахрийлар жамоасига мураббийлик қилди
“Хоразм” бош мураббийи Ҳаким Фузайлов Душанбе шаҳрида ўтказилган Тожикистон ва Россия футбол фахрийлари ўртасидаги ўртоқлик ўйинида иштирок этди. У Тожикистон фахрийлари жамоасига Салоҳиддин Ғофуров билан бирга мураббийлик қилди.
Ўйин 3:1 ҳисобида Россия фахрийлари ғалабаси билан якунланди. Унинг таркибида Ринат Дасаев, Егор Титов, Дмитрий Аленичев, Валерий Шмаров, Сергей Киряков, Андрей Мурнин, Олег Дивиченко, Александр Черкес ва бошқалар ҳаракат қилди. Евгений Ловчев ва Александр Мирзоян жамоага мураббийлик қилди.
Тожикистон таркибида Аслидиин Ҳабибуллоев, Раҳматулло Фузайлов, Акмал Холматов, Сӯҳроб Ҳамидов, Рустам Хўжаев, Тоҳир Мўминов, Жомихон Муҳиддинов ва бошқа футболчилар иштирок этди.
Ўйин 25 май куни нишонланадиган Бутунжаҳон футбол кунига бағишланди.
