«Қайрат» ЯЧЛ плей-офф босқичига чиқиш имкониятидан маҳрум бўлди
Қозоғистон клуби 7-турда «Брюгге»га мағлуб бўлди.
ФОТО: Getty Images
Олмаотанинг «Қайрат» клуби Чемпионлар лигаси умумий босқичининг 7-турида «Брюгге»га 1:4 ҳисобида мағлубиятга учради ва плей-офф босқичига чиқиш имкониятидан маҳрум бўлди.
Қозоғистон жамоаси етти учрашувда атиги бир очко жамғариб, турнир жадвалида сўнгги — 36-ўринни эгаллаб турибди. Натижада «Қайрат» Чемпионлар лигасининг плей-офф босқичида иштирок этиш ҳуқуқини берадиган топ-24 таликдан ташқарида қолди.
Таъкидлаш жоиз, «Қайрат» Чемпионлар лигасининг асосий босқичида илк бор қатнашмоқда.
Умумий босқичнинг якуний, 8-турида Олмаота клуби Лондоннинг «Арсенал» жамоасига қарши майдонга тушади. Ушбу учрашув чоршанба, 28 январь куни бўлиб ўтади. Беллашув Лондондаги «Эмирейтс» стадионида ўтказилади.
Насрулло Каримов
Журналист