“Айнтрахт” ёш ҳужумчи Малик Пимпонг трансферига келишиб олди
Германиянинг “Айнтрахт” клуби “Мидтјулланн” ҳужумчиси Малик Пимпонг трансферига яқин турибди. Sky Sports хабар беришича, томонлар келишувнинг асосий шартларини муҳокама қилиб бўлган, эндиликда фақат якунлий тафсилотларни расмийлаштириш қолган.
18 ёшли форвард яқин вақт ичида тиббий кўрикдан ўтиши кутилмоқда. Шундан сўнг трансфер тўлиқ якунланади ва футболчи Франкфурт клуби билан узоқ муддатли шартнома имзолайди.
Маълумотларга қараганда, Пимпонгнинг “Айнтрахт” билан келишуви 2031 йилгача мўлжалланган бўлади. Трансфер суммаси эса бонуслар билан бирга тахминан 2,5–3 миллион еврони ташкил этади.
“Айнтрахт” раҳбарияти Пимпонгни жамоанинг келажаги учун муҳим иқтидорлардан бири сифатида кўрмоқда. Клуб сўнгги йилларда ёш футболчиларни ривожлантириш ва уларни юқори даражага олиб чиқиш борасида фаол иш олиб бормоқда. Шу сабабли Малик Пимпонг трансфери ҳам узоқ муддатли лойиҳа сифатида баҳоланмоқда.
Ўтган 2025/26 йилги мавсумда Пимпонг “Мидтјулланн” U19 жамоаси сафида барча турнирлар доирасида 31 та учрашувда майдонга тушиб, 24 та гол уришга муваффақ бўлган. Айни шу натижадорлик унинг Европанинг кучлироқ чемпионатларига қизиқиш уйғотишига сабаб бўлган.
