“Ayntraxt” yosh hujumchi Malik Pimpong transferini kelishib oldi
Germaniyaning “Ayntraxt” klubi “Midtyullann” hujumchisi Malik Pimpong transferini yakunlashga yaqin turibdi. Sky Sports xabariga ko‘ra, tomonlar kelishuvning asosiy shartlarini muhokama qilib bo‘lgan, endilikda faqat yakuniy tafsilotlarni rasmiylashtirish qolgan.
18 yoshli forvard yaqin vaqt ichida tibbiy ko‘rikdan o‘tishi kutilmoqda. Shundan so‘ng transfer to‘liq yakunlanadi va futbolchi Frankfurt klubi bilan uzoq muddatli shartnoma imzolaydi.
Ma’lumotlarga qaraganda, Pimpongning “Ayntraxt” bilan kelishuvi 2031-yilgacha mo‘ljallangan bo‘ladi. Transfer summasi esa bonuslar bilan birga taxminan 2,5–3 million yevroni tashkil etadi.
“Ayntraxt” rahbariyati Pimpongni jamoaning kelajagi uchun muhim iqtidorlardan biri sifatida ko‘rmoqda. Klub so‘nggi yillarda yosh futbolchilarni rivojlantirish va ularni yuqori darajaga olib chiqish borasida faol ish olib bormoqda. Shu sababli Malik Pimpong transferi ham uzoq muddatli loyiha sifatida baholanmoqda.
O‘tgan 2025/26-yilgi mavsumda Pimpong “Midtyullann” U19 jamoasi safida barcha turnirlar doirasida 31 ta uchrashuvda maydonga tushib, 24 ta gol urishga muvaffaq bo‘lgan. Aynan shu natijadorlik uning Yevropaning kuchliroq chempionatlariga qiziqish uyg‘otishiga sabab bo‘lgan.
