Агуэро Холанд унинг «Манчестер Сити»даги рекордини янгилашига ишонмоқда
«Манчестер Сити» афсонаси Серхио Агуэро Эрлинг Холанд клуб тарихидаги энг яхши тўпурар сифатидаги рекордини янгилаши мумкинлигини айтди. Аргентиналик собиқ ҳужумчи норвегиялик футболчининг ҳозирги суръатда давом этиши бунинг учун етарли бўлишини таъкидлади. Бу ҳақда Агуэро Stake Football’га берган интервьюсида маълум қилди.
Манбага кўра, Агуэро Холандни дунёнинг энг кучли ҳужумчиларидан бири деб ҳисоблайди. «Агар у шу тарзда давом этса, мени ортда қолдирмаслиги деярли имконсиз. У рекордимни янгиласа ҳам, мен клуб тарихидаги энг яхши футболчилар қаторida қоламан. Энг муҳими, Холанд голлари билан “Сити”га ўйинлар ва совринларни қўлга киритишда ёрдам берсин», — деди Агуэро.
Агуэро, шунингдек, Холанднинг кетма-кет бир неча мавсум юқори натижа кўрсатаётганини алоҳида таъкидлади. Унинг фикрича, бундай барқарорлик тасодиф эмас ва норвегиялик ҳужумчининг клуб учун қанчалик муҳим футболчига айланганини кўрсатади.
Маълумот учун, Агуэро «Манчестер Сити» тарихидаги энг яхши тўпурар бўлиб, клуб сафида 390 учрашувда 260 та гол урган. Холанд эса 2022-йилдан буён «шаҳарликлар» сафида тўп тепиб, ҳозиргача 204 ўйинда 168 та гол қайд этган.
