Агехонанинг жароҳати кутилганидан жиддийроқ бўлиб чиқди
«Порту» жамоасининг испаниялик ҳужумчиси Самуэл Агехонанинг жароҳати кутилганидан анча оғир бўлиб чиқди. Инсайдер Фабрицио Романонинг хабар беришича, футболчи нафақат жорий мавсумнинг қолган қисмини ва ЖЧ-2026 баҳсларини ўтказиб юборади, балки 2026 йил охиригача майдонга қайта олмаслиги мумкин.
Эслатиб ўтамиз, «аждаҳолар» форварди 9 февраль куни Португалия Примейра лигасининг 21-тури доирасидаги «Спортинг»га қарши баҳсда (1:1) тиззасидан жароҳат олиб, танффусда алмаштирилган эди. Тиббий кўрик натижалари футболчининг тиззасидаги олдинги хочсимон боғламлари узилганини тасдиқлади.
Самуэлнинг «Порту» билан амалдаги шартномаси 2029 йил ёзига қадар мўлжалланган. У жорий мавсумда 32 та учрашувда майдонга тушиб, 20 та гол ва битта самарали узатмани амалга оширди
