Агар «Тоттенҳэм» АПЛдан тушиб кетса, жамоа футболчилари маоши сезиларли даражада камаяди
Ҳозирда «шпорлар» турнир жадвалида 16-ўринда бормоқда.
ФОТО: Getty Images
Агар «Тоттенҳэм» мавсум якунига кўра Англия Премьер-лигасини тарк этса, жамоа футболчилари маоши сезиларли даражада камаяди. Бу ҳақда The Athletic нашри инсайдери Девид Орнштейн хабар берди.
Манбанинг маълум қилишича, Лондон клуби ўйинчиларининг аксарият шартномаларида жамоа Чемпионшипга тушиб кетган тақдирда, маошларни тахминан 50 фоизга қисқартириш ҳақидаги банд мавжуд.
Айни дамда «Тоттенҳэм» 29 очко билан Англия чемпионати турнир жадвалида 16-ўринни эгаллаб турибди. Хавфли зонада бораётган «Вест Хэм» (18-ўрин) ҳисобида эса 25 очко мавжуд.
Насрулло Каримов
Журналист