Агар Клопп «Реал»га келса, қайси футболчиларни жамоада кўрмаслиги маълум бўлди
Дортмунднинг «Боруссия» ва «Ливерпул» клубларининг собиқ бош мураббийи Юрген Клопп 2026 йил ёзида Мадриднинг «Реал» клубини бошқарадиган бўлса, трансферлар борасида тўлиқ назоратни талаб қилади. Бу ҳақда Испаниядаги манбаларига таянадиган Topskills Sports UK хабар бермоқда.
Манбага кўра, Клопп футболчиларни сотиб олиш ва сотиш бўйича барча қарорларни шахсан ўзи қабул қилмоқчи. Шунингдек, ҳозирги таркибдаги икки футболчи немис мутахассисининг режаларига кирмайди. Гап «Реал»нинг қанот ҳимоячилари Дани Карвахал ва Ферлан Менди ҳақида бормоқда.
Аввалроқ матбуотда «Реал»нинг Юрген Клоппга қизиқиш билдираётгани ҳақида хабарлар пайдо бўлган эди.
Эслатиб ўтамиз, «Реал» 2025 йил ёзидан буён жамоани бошқариб келган Хаби Алонсони истеъфога чиқарди. Унинг ўрнини клубнинг собиқ футболчиси Альваро Арбелоа эгаллади. Испания чемпионатида Мадрид клуби 20 турдан сўнг 48 очко билан иккинчи ўринда бормоқда.
