“Афсусланаман, лекин хурсандман” — Дорохов Файзуллаевнинг кетишига изоҳ берди

ЦСКА жамоасининг машҳур мухлиси ва комик Денис Дорохов Аббосбек Файзуллаевнинг Туркиянинг «Истанбул Башакшеҳир» клубига трансфери юзасидан фикр билдирди. У ўз афсусини яширмади, бироқ футболчининг танловини ҳам тушуниш мумкинлигини айтди.

«Энг кўп ачинарлиси — унинг кетгани. У билан шахсан танишман, бир неча бор учрашганмиз. Жуда яхши бола. Лекин бу унинг ҳаёти, ва ростини айтсам, унда бундай имконият пайдо бўлганидан хурсандман», — деди Дорохов.

Эслатиб ўтамиз, 21 ёшли Файзуллаев 30 июл куни турк клуби билан беш йиллик шартнома имзолади. У 2023 йил ёзда «Пахтакор»дан ЦСКАга ўтган эди.

Бакрадзе Иман

Редактор