Африка Миллатлар кубоги. Нигерия Мозамбик дарвозасига нақд 4 та гол урди

Нигерия терма жамоаси Африка Миллатлар кубогининг плей-офф босқичида Мозамбик билан тўқнаш келиб, 4:0 ҳисобида муваффақиятга эришди.

Тўқнашувнинг 25-дақиқасида Адемола Лукман ўйиндаги ҳисобни очди. Орадан 5 дақиқа ўтиб, Виктор Осимхен ҳам ўз номини таблога ёздириб қўйди. 47-дақиқада эса "Галатасарай" ҳужумчи дублни расмийлаштириб, фарқни 3 тагача етказиб қўйди. Бундан ташқари, Акор Адамс 75-дақиқада жамоасининг тўртинчи голига муаллифлик қилди.

Шундай қилиб, нигерияликлар чорак финал йўлланмасига эга бўлишди.

Маълумот учун, Нигерия терма жамоаси чорак финалда Жазоир - Конго ғолиби билан куч синашади.

Африка Миллатлар Кубоги. 1/8 финал
Нигерия – Мозамбик 4:0
Голлар: Лукман 25, Осимхен 30, 47, Адамс 75

Розикжон Султонмуродов

Журналист