Африка Миллатлар Кубоги 1/8 финалининг барча жуфтликлари маълум бўлди
Африка Миллатлар Кубоги — 2025 турнирининг гуруҳ босқичи якунланди. Унинг натижаларига кўра мусобақанинг плей-офф босқичида иштирок этадиган барча жамоалар маълум бўлди.
Турнирнинг 1/8 финал босқичига қуйидаги терма жамоалар йўл олди:
Марокаш, Мали, Миср, Жанубий Африка Республикаси, Нигерия, Тунис, Сенегал, Конго Демократик Республикаси, Жазоир, Буркина-Фасо, Кот-д’Ивуар, Камерун, Бенин, Судан, Мозамбик ва Танзания.
Эслатиб ўтамиз, 2025 йилги Африка Миллатлар Кубоги Марокашда бўлиб ўтмоқда. Мусобақада 24 та миллий терма жамоа иштирок этяпти ва улар олти гуруҳга бўлинган. Турнир 18 январга қадар давом этади.
Африка Миллатлар Кубогининг амалдаги чемпиони — Кот-д’Ивуар терма жамоаси ҳисобланади. Улар 2023 йилги турнир финалида Нигерия устидан 2:1 ҳисобида ғалаба қозониб, чемпионликни қўлга киритган эди.
