Адейеми: «Барселона» – дунёнинг энг яхши клуби, бу ерга совринлар ютиш учун келдим»
Германиялик ҳужумчи Карим Адейеми Дортмунднинг «Боруссия» клубидан «Барселона»га ўтганидан кейин илк фикрлари билан ўртоқлашди. Бугун, 23 июль куни Каталония клуби футболчининг трансферини расман эълон қилди.
– Мен бу ерга совринлар ютиш учун келдим. «Барселона»ни ўзининг бой тарихи, бу ерда тўп сурган афсонавий футболчилари ва Каталония билан ўзига хос боғлиқлиги туфайли дунёнинг энг яхши клуби деб ҳисоблайман. Биринчи кунданоқ бу жуда ўзига хос клуб эканини ҳис қилдим.
Ханс-Дитер Флик билан суҳбатлашдим ва унга тўлиқ ишонаман. У менга клуб нимани талаб қилишини тушунтирди. Белгиланган мақсадларга эришиш учун қўлимдан келган барча ишни қилишга тайёрман. Флик менга ишониши мумкин — мен у, жамоа ва мухлислар учун бор кучимни аямайман, — деди Адейеми клуб матбуот хизматига.
