Adeyemi: «Barselona» – dunyoning eng yaxshi klubi, bu yerga sovrinlar yutish uchun keldim»
Germaniyalik hujumchi Karim Adeyemi Dortmundning «Borussiya» klubidan «Barselona»ga o'tganidan keyin ilk taassurotlari bilan o'rtoqlashdi. Bugun, 23-iyul kuni Kataloniya klubi futbolchining transferini rasmiy e'lon qildi.
– Men bu yerga sovrinlar yutish uchun keldim. «Barselona»ni o'zining boy tarixi, bu yerda to'p surgan afsonaviy futbolchilari va Kataloniya bilan o'ziga xos bog'liqligi tufayli dunyoning eng yaxshi klubi deb hisoblayman. Birinchi kundanoq bu juda o'ziga xos klub ekanini his qildim.
Xans-Diter Flik bilan suhbatlashdim va unga to'liq ishonaman. U menga klub nimani talab qilishini tushuntirdi. Belgilangan maqsadlarga erishish uchun qo'limdan kelgan barcha ishni qilishga tayyorman. Flik menga ishonishi mumkin — men u, jamoa va muxlislar uchun bor kuchimni ayamagan holda harakat qilaman, — dedi Adeyemi klub matbuot xizmatiga.
