Адарабиойо: «Мудрик — ҳақиқий меҳнаткаш бола»
«Челси» ҳимоячиси Тосин Адарабиойо жамоа сафида узоқ танаффусдан сўнг майдонга қайтган украиналик вингер Михаил Мудрик ҳақида фикр билдирди.
Мудрик «Ювентус»га қарши ўртоқлик учрашувининг 82-дақиқасида Николас Жексон ўрнига майдонга тушди. Шу тариқа украиналик футболчи 615 кунлик танаффусдан кейин илк бор «Челси» таркибида майдонда ҳаракат қилди.
«Миша — менинг дўстим. Шу вақт давомида у билан алоқада бўлиб турдим. Шунинг учун унинг қайтганидан жуда хурсандман. Унинг учун чин дилдан қувондим. У бу ерда бўлганидан ва яна шу муҳитни ҳис қилаётганидан жуда бахтли экани кўриниб турибди.
Албатта, унга бироз вақт керак бўлади, аммо биз уни қўллаб-қувватлаш учун доимо ёнидамиз.
Унинг меҳнатсеварлиги шунчалик юқорики, мен бундан асло ҳайрон эмасман. У шу вақтнинг барчасида машғулот олиб борди. Мен унинг алоҳида тарзда шуғулланганини, кимлар билан бирга машғулот ўтказганини биламан. Унинг меҳнатсеварлиги феноменал», — дея Адарабиойонинг сўзларидан келтиради Football.London нашри.
Эслатиб ўтамиз, Мудрик 2024 йил ноябрь ойининг охиридан буён «Челси»нинг расмий ўйинларида иштирок этмаган эди. Шу йил декабрь ойида унинг допинг-намунасида мельдоний аниқланган ва шундан сўнг футболчи дисквалификация қилинган.
