Adarabioyo: «Mudrik — haqiqiy mehnatkash bola»
“Chelsi” himoyachisi Tosin Adarabioyo jamoa safida uzoq tanaffusdan so‘ng maydonga qaytgan ukrainalik vinger Mixail Mudrik haqida fikr bildirdi.
Mudrik “Yuventus”ga qarshi o‘rtoqlik uchrashuvining 82-daqiqasida Nikolas Jekson o‘rniga maydonga tushdi. Shu tariqa ukrainalik futbolchi 615 kunlik tanaffusdan so‘ng ilk bor “Chelsi” tarkibida maydonda harakat qildi.
“Misha — mening do‘stim. Bu vaqt davomida u bilan aloqada bo‘lib turdim. Shuning uchun uning qaytganidan juda xursandman. Uning uchun chin dildan quvondim. U bu yerda bo‘lganidan va yana shu muhitni his qilayotganidan juda baxtli ekani ko‘rinib turibdi.
Albatta, unga biroz vaqt kerak bo‘ladi, ammo biz uni qo‘llab-quvvatlash uchun doimo yonidamiz.
Uning mehnatsevarligi shunchalik yuqoriki, men bundan aslo hayron emasman. U shu vaqtning barchasida mashg‘ulot olib bordi. Men uning alohida tarzda shug‘ullanganini, kimlar bilan birga mashg‘ulot o‘tkazganini yaxshi bilaman. Uning mehnatsevarligi fenomenal”, — deya Adarabioyoning so‘zlaridan keltiradi Football.London nashri.
Eslatib o‘tamiz, Mudrik 2024 yil noyabr oyining oxiridan buyon “Chelsi”ning rasmiy o‘yinlarida ishtirok etmagan edi. Shu yil dekabr oyida uning doping-namunasida meldoniy aniqlangan va shundan so‘ng futbolchi diskvalifikatsiya qilingan.
