Аброр Каримов билан шартнома узайтирилди

ОКМК ФК жамоаси таркиб барқарорлигини таъминлаш ва ҳимоя чизиғини янада мустаҳкамлаш йўлида навбатдаги муҳим қадамни ташлади. Жамоамизнинг ишончли ва совуққон ҳимоячиси Аброр Каримов билан амалдаги шартнома муддати узайтирилди.

Икки томонлама келишувга кўра, Аброр билан 4 йиллик янги битим имзоланди. Энди жамоамиз мудофаа қўрғонининг муҳим вакили 2029 йил якунига қадар «кончилар» шарафини ҳимоя қилиб, дарвозамиз дахлсизлигини таъминлашда давом этади.

Аброр Каримов ўзининг интизоми, ҳаводаги курашларда устунлиги ва майдонни кўра олиш қобилияти билан жамоамиз мудофаасининг таянчига айланган. Уни таркибда олиб қолиниши жамоамизнинг ҳимоя салоҳиятини сақлаш ва барқарорликни таъминлаш йўлидаги муҳим қарордир.

Иброҳим Жалолов

Редактор