Абрахам Россия чемпионатига йўл олиши мумкин
Фото: Getty Images
“Рома“ ҳужумчиси Тэмми Абрахам фаолиятини Россияда давом эттириши мумкин.
Soccer.ru хабарига кўра, 27 ёшли ҳужумчисига “Зенит“ жиддий қизиқиш билдирмоқда. Томонлар музокараларни бошлаб юборишган. Россия жамоаси ҳужумчининг трансфери учун 20 миллион евро ажратишга тайёр. Футболчининг ўзи учун эса йилига 5 миллион евро беришни режа қилган.
Аввалроқ унга “Болонья” клуби ҳам қизиқиш билдираётгани ҳақида хабарлар янграганди.
Тэмми Абрахам ўтган мавсум “Милан“да ижарагада ҳаракат қилди. У 45 та учрашувда майдонга тушди. Унинг ҳисобида 10 та гол ва 7 та голли узатма бор.
Розикжон Султонмуродов
Журналист
