Abraham Rossiya chempionatiga yo‘l olishi mumkin
Photo: Getty Images
“Roma“ hujumchisi Temmi Abraham faoliyatini Rossiyada davom ettirishi mumkin.
Soccer.ru xabariga ko‘ra, 27 yoshli hujumchiga “Zenit” jamoasi jiddiy qiziqish bildirmoqda. Tomonlar muzokaralarni boshlab yuborgan. Rossiya klubi hujumchi transferi uchun 20 million yevro ajratishga tayyor. Futbolchining o‘ziga esa yiliga 5 million yevro maosh taklif qilinmoqda.
Avvalroq unga “Bolonya” klubi ham qiziqish bildirayotgani haqida xabarlar tarqalgan edi.
Temmi Abraham o‘tgan mavsum “Milan”da ijarada harakat qilgan. U 45 ta uchrashuvda maydonga tushgan. Uning hisobida 10 ta gol va 7 ta golli uzatma bor.
Roziqjon Sultonmurodov
Jurnalist
