Ҳабиб Нурмагомедов Ўзбекистон терма жамоасининг ЖЧ–2026даги имкониятларини баҳолади
Енгил вазндаги собиқ чемпион ва UFC Шон-шараф зали аъзоси, россиялик Ҳабиб Нурмагомедов Ўзбекистон терма жамоасининг 2026 йилги футбол бўйича Жаҳон чемпионатидаги имкониятларини баҳолади.
Унинг айтишича, миллий терма жамоа камида гуруҳдан чиқиши кераклигини айтди. Мусобақа АҚШ, Канада ва Мексикада 11 июндан 19 июлгача бўлиб ўтади.
«Уларнинг сардори бор – Ҳусанов. Жамоа ғалабага ташна, ўзини кўрсатишни жудаям истаяпти. Ўйлайманки, улар камида гуруҳдан чиқиши керак», — деди Нурмагомедов Okko Sport’га берган интервьюсида.
Ҳабиб Нурмагомедов аралаш яккакурашлардаги фаолияти давомида 29 та жанг ўтказиб, уларнинг барчасида ғалаба қозонган. Унинг ғалабаларидан 13 таси UFC’да қўлга киритилган. Ҳабиб сўнгги жангини 2020 йилда ўтказиб, америкалик Жастин Гэтжини мағлуб этган.
