Абдуқодир Ҳусановнинг трансфер нархи кескин кўтарилди
Ҳусановнинг нархи 35 миллион евродан 50 миллион еврога кўтарилган.
ФОТО: Getty images
Ўзбекистон миллий терма жамоаси ва “Манчестер Сити” клуби ҳимоячиси Абдуқодир Ҳусановнинг трансфер нархи 15 млн еврога кўтарилди.
3 май куни Transfermarkt портали Англия Премьер-лигасининг футболчилари бозор қийматини янгилади.
Унга кўра, Ҳусановнинг нархи 35 миллион евродан 50 миллион еврога кўтарилган.
Портал маълумотларига кўра, Англия Премьер-лигасида тўп сураётган 524 нафар футболчининг бозор қиймати янгиланган.
Энг катта ўсиш “Манчестер Сити” ярим ҳимоячиси Раян Шерки ҳисобига тўғри келди. Франциялик футболчининг бозор қиймати 25 миллион еврога ошиб, 90 миллион еврога етди.
Розикжон Султонмуродов
Журналист