Абдуқодир Ҳусановнинг ўйинга нега қўшилмагани маълум бўлди
2 апрель куни соат 23:45 да Англия Премьер-лигасининг 30-тур доирасида «Манчестер Сити» ва «Лестер Сити» жамоалари ўртасида учрашув бўлиб ўтди. Манчестер клуби «Лестер» устидан ишончли ғалабага эришди – 2:0. Учрашувнинг 2-дақиқасида Жек Грилиш ҳисобни очган бўлса, 29-дақиқада Омар Мармуш фарқни оширди.
Диққатга сазовор жиҳати шундан иборатки, ўзбекистонлик футболчи Абдуқодир Ҳусанов ўйин учун қайдномага киритилмади. Кўпчилик буга футболчининг жароҳати сабаб бўлиши мумкин деб ўйлади, аммо «Манчестер Сити» расмий баёнот бериб, вазиятга ойдинлик киритди. Англия клуби матбуот хизматининг маълум қилишича, Ҳусанов ҳеч қандай жароҳат олмаган. Жамоа мураббийлари унга ушбу учрашувда дам беришни мақсад қилган, шунда у кейинги ўйинга яхши спорт шаклида тайёр бўлиши мумкин.
Кейинги учрашув 6-апрел куни «Манчестер Сити» ва «Манчестер Юнайтед» жамоалари ўртасида бўлиб ўтади. Учрашув Тошкент вақти билан соат 20:30 да бошланади.
Англия Премьер-лигаси. 30-тур
Манчестер Сити – Лестер Сити – 2:0
Голлар: Грилиш 2, Мармуш 29
