Абдуқодир Ҳусанов «Вильярреал»га қарши ўйнайдими?
“Вильярреал” - “Манчестер Сити” учрашуви 21 октябрь куни Тошкент вақти билан 23:59да бошланади.
ФОТО: Getty images
"Манчестер Сити" Чемпионлар лигаси умумий босқичининг 3-турида "Вильярреал" меҳмони бўлади.
Жамоанинг Испанияга сафар қиладиган футболчилари рўйхати маълум бўлди.
Афсуски, Ўзбекистон терма жамоаси ва “Манчестер Сити” ҳимоячиси Абдуқодир Ҳусанов жароҳати сабаб Испанияга йўл олмади.
Футболчи ҳамон тикланиш билан овора. Шу сабаб ўтган ҳафта “Эвертон”га қарши беллашувда ҳам жамоасига ёрдам бергани йўқ.
Эслатиб ўтамиз, “Вильярреал” - “Манчестер Сити” учрашуви 21 октябрь куни Тошкент вақти билан 23:59да бошланади.
Розикжон Султонмуродов
Журналист
