Абдуқодир Ҳусанов Осиёнинг энг яхши ёш футболчисига айланди

Goalpost нашри талқинига кўра, Ўзбекистон миллий терма жамоаси ва Англиянинг “Манчестер Сити” клуби марказий ҳимоячиси Абдуқодир Ҳусанов 2025-йилнинг Осиёдаги энг яхши ёш футболчиси деб топилди.

Goalpost овоз беришида у Абос Файзуллаев (“Истанбул Башакшеҳир”, Ўзбекистон), Нестори Иранкунда (“Уотфорд”, Австралия), Марселино Фердинан (“Оксфорд Юнайтед”, Индонезия), Ли Ҳана Бом (“Мидтулланд”, Корея), Али Жасим (“Комо” / “Ал-Нажма”, Ироқ) ҳамда Япония, Корея ва Австралиядан бошқа ёш номзодлар билан беллашиб, биринчиликни қўлга киритди.

Маълумот ўрнида, 21 ёшли футболчи 2025-йилнинг январ ойида “Манчестер Сити” сафига қўшилиб, Англия Премьер-лигасида ўйнаган илк ўзбекистонлик футболчига айланди.

Розикжон Султонмуродов

Журналист