Абдуқодир Ҳусанов Чемпионлар Лигасининг энг тезкор футболчилари қаторида жой олди
«Манчестер Сити» ҳимоячиси Абдуқодир Ҳусанов жорий мавсумдаги Европа Чемпионлар Лигаси баҳсларида юқори тезлик намойиш этиш бўйича етакчилар қаторида жой олди. Sofascore статистик портали берган маълумотларга кўра, ўзбекистонлик футболчи турнирнинг энг тезкор ўйинчилари рўйхатида иккинчи поғонани банд этиб турибди.
Ҳусанов майдонда соатига 37,4 км тезлик қайд этишга муваффақ бўлган. Мазкур рейтингда пешқадамлик «Реал Мадрид» ҳужумчиси Килиан Мбаппега тегишли бўлиб, унинг натижаси соатига 34,9 кмни ташкил этмоқда. Кучли учликка «Брюгге» аъзоси Карлуш Форбш якун ясаган бўлиб, унинг максимал тезлиги соатига 34,3 кмга етган.
Турнирнинг умумий босқич якунларига кўра, «Манчестер Сити» жадвалда саккизинчи ўринни эгаллаб, тўғридан-тўғри плей-офф босқичига йўлланмани қўлга киритди. «Реал Мадрид» нимчорак финал йўлида Португалиянинг «Бенфика» жамоаси билан плей-офф баҳсларида тўқнаш келади. Бельгия вакили «Брюгге» эса кейинги босқич йўлланмаси учун Мадриднинг «Атлетико» клубига қарши майдонга тушади.
