Абдуқодир Ҳусанов Англия Лига кубоги ярим финалининг рамзий жамоасига киритилди
У майдонда ҳам тўлиқ ҳаракат қилди.
ФОТО: Getty images
Ўзбекистон миллий терма жамоаси ҳимоячиси Абдуқодир Ҳусанов “Sofascore” портали талқинига кўра Англия Лига кубоги ярим финал учрашувларининг рамзий жамоасидан жой олди.
“Манчестер Сити” сафарда “Ньюкасл” устидан 2:0 ҳисобида ғалаба қозонди. Ушбу учрашувда Ҳусанов майдонда тўлиқ ҳаракат қилиб, учрашувнинг энг яхши футболчиси деб топилди.
“Sofascore” томонидан эълон қилинган рамзий жамоада “Манчестер Сити”дан 3 нафар футболчи, жумладан Абдуқодир Ҳусанов ҳам ўрин олди. Шунингдек, рамзий таркибдан “Арсенал”нинг 4 нафар, “Челси”нинг 3 нафар ва “Ньюкасл”нинг 1 нафар футболчиси жой олди.
Розикжон Султонмуродов
Журналист