Abduqodir Husanov Angliya Liga kubogi yarim finalining ramziy jamoasiga kiritildi
U maydonda ham to'liq harakat qildi.
ФОТО: Getty images
O‘zbekiston milliy terma jamoasi himoyachisi Abduqodir Husanov “Sofascore” portali talqiniga ko‘ra Angliya Liga kubogi yarim final uchrashuvlarining ramziy jamoasidan joy oldi.
“Manchester Siti” safarda “Nyukasl” ustidan 2:0 hisobida g‘alaba qozondi. Ushbu uchrashuvda Husanov maydonda to'liq harakat qilib, uchrashuvning eng yaxshi futbolchisi deb topildi.
“Sofascore” tomonidan e’lon qilingan ramziy jamoada “Manchester Siti”dan 3 nafar futbolchi, jumladan Abduqodir Husanov ham o‘rin oldi. Shuningdek, ramziy tarkibdan “Arsenal”ning 4 nafar, “Chelsi”ning 3 nafar va “Nyukasl”ning 1 nafar futbolchisi joy oldi.
Roziqjon Sultonmurodov
Jurnalist