Абдул Рашид Абубакар: Мухлисларимизни ғалабалар билан хурсанд қилиш — энг катта орзум
Бу ерда футболга бўлган муносабат, интизом ва меҳнат менга жуда ёқди. Шу сабаб тез мослашиб кетяпман ва ҳар куни ўз устимда ишлашга ҳаракат қиляпман.
photo: Mash'al fk
“Бу жамоага қўшилганимдан жуда хурсандман. Илк кунларданоқ ўзимни уйдагидек ҳис қиляпман — жамоада муҳит яхши, барча профессионал даражада ишлаяпти. Машъал Муборак оиласининг бир қисми бўлиш мен учун катта шараф.
Бу ерда футболга бўлган муносабат, интизом ва меҳнат менга жуда ёқди. Шу сабаб тез мослашиб кетяпман ва ҳар куни ўз устимда ишлашга ҳаракат қиляпман.
Олдимга қўйган асосий мақсадим — жамоага максимал фойда келтириш. Ҳар бир ўйинда бор кучимни бериб, “Машъал” билан бирга юқори натижаларга эришишни истайман. Мухлисларимизни ғалабалар билан хурсанд қилиш — энг катта орзум.
Қўллаб-қувватлаб турган барча мухлислирга раҳмат. Ишончингизни оқлаш учун майдонда доимо охиригача курашаман.”
Иброҳим Жалолов
Редактор