Аббосбек Файзуллаевнинг трансфери якунлаш арафасида

Россия футболида етакчи жамоалардан бири бўлган ЦСКА клуби жамоатчилик билан алоқалар бўйича директори Кирилл Брейдо ўзбекистонлик легионер Аббосбек Файзуллаевнинг янги жамоага ўтиши борасида расмий изоҳ берди.

Унинг сўзларига кўра, Файзуллаев Туркиянинг “Истанбул Башакшехир” клуби учун тўлиқ тиббий кўрикдан ўтган. “Ҳозирда томонлар келишувнинг молиявий жиҳатларини муҳокама қилишнинг якуний босқичида. Яқин кунларда барчаси расман эълон қилинади”, — деди Брейдо.

Шунингдек, ЦСКА бош мураббийи Фабио Челестини ҳам Файзуллаевнинг жамоани тарк этганини тасдиқлади. “Мухин ва Файзуллаев жамоани тарк этди. Бу — ҳақиқат”, — деди швейцариялик мутахассис қисқача изоҳда.

Бакрадзе Иман

Редактор