Abbosbek Fayzullayevning transferi yakunlash arafasida
Yaqin kunlarda rasmiy e'lon kutilmoqda
Rasm: Telegram
Rossiya futbolining yetakchi jamoalaridan biri hisoblangan CSKA klubi jamoatchilik bilan aloqalar bo‘yicha direktori Kirill Breydo o‘zbekistonlik legioner Abbosbek Fayzullayevning yangi jamoaga o‘tishi bo‘yicha rasmiy izoh berdi.
Uning so‘zlariga ko‘ra, Fayzullayev Turkiyaning “Istanbul Bashakshehir” klubi uchun to‘liq tibbiy ko‘rikdan o‘tgan. “Hozirda tomonlar kelishuvning moliyaviy jihatlarini muhokama qilishning yakuniy bosqichida. Yaqin kunlarda hammasi rasman e’lon qilinadi”, — dedi Breydo.
Shuningdek, CSKA bosh murabbiyi Fabio Chelestini ham Fayzullayev jamoani tark etganini tasdiqladi. “Muxin va Fayzullayev jamoani tark etdi. Bu — haqiqat”, — deya qisqacha izoh berdi shveysariyalik mutaxassis.
Bakradze Iman
Redaktor